വിൽസൻ്റെ വരികൾ
സൗഗന്ധികം.കോം
സൗഗന്ധികം സെർച്ചു ചെയ്യുന്നതിനിടയിൽ നാലു വൈറസുകൾ ഭീമൻ്റെ വഴി മുടക്കി
ഗദകൊണ്ടും കരുത്തുറ്റ മാംസപേശികൾ കൊണ്ടും
അവറ്റകളെ തുരത്താനാകാതെ കുഴഞ്ഞു
പല തവണയും സൗഗന്ധികത്തിൻ്റെ സ്പെല്ലിംഗ് തെറ്റി
പൂക്കളായ പൂക്കളെക്കുറിച്ചുള്ള
മുഴുവൻ സൈറ്റുകളിലും ചുറ്റി നടന്നു കണ്ണുകൾ കഴച്ചു
മുക്കുറ്റി.com ബോഗൺ വില്http://xn--4wc.com/
ഓർക്കിഡ് തുമ്പ
മൗസിൽ തൊട്ടപ്പോൾ ചുരുങ്ങിപ്പോയ തൊട്ടാവാടി. com
മുള്ളുകൊള്ളാത്ത യാത്ര
കരിങ്കൽ ശരീരത്തിനുള്ളിലെ
നീരുറവയിൽ ചില പൂക്കൾ വിരിഞ്ഞു
പൂ പൂ എന്നു ഇടയ്ക്കിടെ പിറുപിറുത്തു
മാംസപുഷ്പ്പങ്ങൾ പൂത്തുലയുന്ന വളക്കൂറുള്ള ഡോട്ട് കോമുകൾ വിവസ്ത്രയാക്കപ്പെട്ട ഭാര്യയെ
ഇടക്കെല്ലാം മറന്നു
മല്ലന്മാരെക്കുറിച്ചുള്ള വെബ് പേജുകൾക്കു മുൻപിൽ അൽഭുതപ്പെട്ടിരിക്കുമ്പോൾ
ഒരു മെസേജ്
വിഷയം സൗഗന്ധികത്തെക്കുറിച്ചു സൂചന
ഇൻബോക്സിൽ സൗഗന്ധികത്തിൻ്റെ ലക്ഷണങ്ങളുമായി ബ്ലാക്ക് മൂൺ
ലാറ്റിനമേരിക്കയിൽ നിന്നുള്ള സുഗന്ധമില്ലാത്ത പുഷ്പ്പത്തെ
അയാൾ ഇഷ്ടപ്പെട്ടു
ഈ വനത്തിലൂടെ ഇനി ഒരടിപോലും വയ്യെന്ന് ഉള്ളിലുറച്ചു
ബ്ലാക്കുമൂൺ ഡൗൺലോഡ് ചെയ്തു.
മോർഫു ചെയ്തു ചില്ലറ മാറ്റങ്ങൾ
പിന്നെ ഒരു കളർപ്രിന്റ്
അഞ്ചെണ്ണത്തിന്റെ ഭാര്യാപദം അലങ്കരിച്ചിട്ടും
ബോറടിച്ചിരുന്ന പാഞ്ചാലി തുള്ളിച്ചാടി
സൗഗന്ധികത്തിന്റെ നാലു
ഫോട്ടോസ്റ്റാറ്റു കോപ്പികൾ എടുത്തു ഡോക്ടറേറ്റിനുള്ള അപേക്ഷാഫോറവുമായി
പൂമുഖത്തേക്കു പോയി
ചരിത്രത്തിൽ സുഗന്ധമില്ലാത്ത
ഒരു നുണ വിരിഞ്ഞു
– കുഴൂർ വിൽസൺ –
